أنا لوحة حزن تبكيےّ عجز عن رسمها فنان

أنا بشرح لكم حزني وحزني من صدى الوجدان

إذا غاب الحزن عني مسحت إدموعي بيديه

أنا مجروح في جوفي وصوتي للألم عنوان

ونفسي ما تعاف الصبر وهي للحزن مشريه

أسافر في تعب عمَريـﮯَ مابين الشوق والحرمان
عسى القى على الشاطىء وله أو شوق أو تحنان

أعالج به دموع العين وأخفف حزني شويه

أنا شمعه في عين الليل وقَلبَےّ شايل الأحزان

وعيني ما تذوق النوم وروحَـﮯَ دوم منسيه

يذوب النور في عيني وأظيّع ماعرف الألوان

وأنادي يا عيون الليل ترى هالدنيا وهميه

أنا لوحه حزن تبكيےّ عجز عن رسمها فنان

وظاعت كل ألواني وصارت بس رماديه

رمادي لون أفكاري وحزني لو يشوفه إنسان

تمنى الموت قبل الليل وشاف الموته عُاَدّيَےّه

أنا مركب غرامي تاه في الدنيا بلا ربان

رماه الموج في صحرا لها شطأن رمليه
وتاهت جمله أفكاري مابين الذكرى والنسيان

وظاعت كل خطواتي في ليله برد شتويه

وشلت أشواقي وجروحَـﮯَ أوازنها على الميزان

أخاف أشواقي تغلبني وتجبرني على الجيه

ورديت أرسم أحزاني وأسمع أعذب الألحان

عسى ينزاح حزن الأمس وألاقي درب حريه

سمعتوا حرفي الدامي وشفتوا لوعه الحيران

عسى يرتاح كل مجروح ويلقى أفرَإحَ تاليه



مما راق لي

شكرا على مرورك